Dem seh life is a movie, so mi play the character.

Mi nuh alright, mi is just a really good actor.

Mi a follow the script and a look forward to the end.

Cause to be honest, mi a get tired fi a pretend.

Yea, mi can mek a very heavy load look real light.

Daily, mi smile and laugh loud like mi neva did a cry ina the night.

If only you did know all a wah mi go through and still a go through ina life.

You would a sorry fi me.

All a the hurt, all a the pain, all a words dem wah slice mi like a knife.

You woulda cry wid me.

Mi woulda talk to somebody and unburden mi thoughts but mi nuh have the money.

But maybe if mi get did the chance, in the end, my therapist woulda likely need therapy.

Everyday mi adjust mi mask and use duck tape pan the cracks,

And take mi time and take the knife dem one, one out a mi back.

If only somebody coulda look closely and see the mismatched pieces coming apart.

Mhmm, them woulda probably see it and call it mosaic art.

So another day, another act,

And the facade remains intact.

Mi glimpse the script fi get some quick direction,

Lights, camera, action.